चोपड्यात प्रथमच चैतन्यसजीव नवदुर्गा देवींची दिव्य झांकी

श्रद्धा, शक्ती आणि मातृप्रेमाचा अलौकिक महोत्सव

चोपडा प्रतिनिधी —
“जय माता दी… जय दुर्गे माता…!”
या मंगल जयघोषांनी निनादणाऱ्या वातावरणात चोपडा शहराला एक अभूतपूर्व आध्यात्मिक अनुभूती लाभणार आहे.

आपल्या पावन पुण्यनगरी चोपडा येथे इतिहासात प्रथमच चैतन्यसजीव नवदुर्गा देवींची भव्य झांकी साकारण्यात येत असून, हा सोहळा केवळ धार्मिक कार्यक्रम नसून श्रद्धा, भावना आणि शक्तीचा महासंगम ठरणार आहे.

नवदुर्गा माता म्हणजे केवळ देवींची नऊ रूपे नव्हेत, तर प्रत्येक भक्ताच्या जीवनातील आशा, धैर्य, संरक्षण आणि करुणेचे प्रतीक आहेत. या दिव्य झांकीत माता शैलपुत्रीपासून सिद्धिदात्रीपर्यंत नवदुर्गा देवींची सजीव आणि तेजस्वी रूपे पाहताना भाविकांच्या डोळ्यांत भक्तीभावाचे अश्रू आणि मनात मातृप्रेमाची लाट उसळताना दिसून येणार आहे.

प्रजापिता ब्रह्माकुमारी ईश्वरीय विश्वविद्यालया, चोपडा यांच्या वतीने आयोजित या पावन सोहळ्यात नवदुर्गा देवींच्या प्रत्येक रूपातून शक्ती, शांती, साहस आणि करुणेचा संदेश दिला जाणार आहे. या दर्शनातून भक्तांच्या जीवनात आत्मविश्वास, सकारात्मकता आणि आध्यात्मिक चेतना जागृत होईल, असा विश्वास व्यक्त केला जात आहे.

हा दिव्य सोहळा दिनांक ६ ते ९ फेब्रुवारी २०२६ या कालावधीत आयोजित करण्यात आला असून, दररोज रात्री ७ ते रात्री १० वाजेपर्यंत दर्शनासाठी खुले राहणार आहे. कार्यक्रमाचे आयोजन अरुणोदय कॉलनी समोर, अरुण नगर जवळ, चोपडा येथे करण्यात आले आहे.

या झांकीच्या दर्शनासाठी चोपडा शहरासह परिसरातील भाविक मोठ्या संख्येने उपस्थित राहण्याची शक्यता असून, विशेषतः माता भक्त महिला, युवक आणि बालकांमध्ये उत्साहाचे वातावरण आहे. अनेक भाविकांनी ही झांकी म्हणजे देवीच्या सान्निध्यात जाण्याची अनुभूती असल्याचे भावना व्यक्त केल्या आहेत.

या पावन पर्वात सहभागी होऊन नवदुर्गा मातांच्या दिव्य दर्शनाचा लाभ घ्यावा, आपल्या जीवनात श्रद्धा, शक्ती आणि शांती जागृत करावी, असे भावनिक आवाहन ब्रह्माकुमारी मंगलादीदी आयोजकांच्या वतीने करण्यात आले आहे.

अधिक माहितीसाठी संपर्क क्रमांक : ९६३७७४९७७५

▪️ कार्यक्रमासाठी वेबसाईट वर सविस्तर माहिती उपलब्ध आहे.

Chopda

YouTube : https://www.youtube.com/@BkJalgaonSubzone/

✍️डॉ. सोमनाथ वडनेरे
महाराष्ट्र राज्य माध्यम समव्यक,
मीडिया प्रभाग माऊंट आबू
9850693705
www.bkmahamedia.com